Update mula sa Punong-guro
Kumusta sa Komunidad ng James Monroe,
Ito si Principal McNeil na may dalang update.
Tuwing Biyernes ng umaga ay naghahain kami ng kape simula 7:45 sa MPR. Ito ay first come, first served, hanggang sa maubos. Hinihikayat namin kayong pumasok nang maaga sa paaralan para makakuha ng inyong kape.
Salamat sa lahat ng nagtitinda ng tsokolate! Ito ang aming pinakamalaking fundraiser para sa taon, at maganda ang takbo nito ngayong taon. Mayroon pa kaming ilang kahon na natitira kung kailangan niyo pa! Magtatapos ang benta ng tsokolate sa Okt. 23. Ang lahat ng pera ay dapat maipasa sa paaralan sa susunod na Lunes. Maraming salamat!!
School Smarts:
Mayroon tayong School Smarts sa susunod na tatlong Huwebes, 10/22, at 10/29, 8:15 sa Parent Room.
Great Shakeout:
Taon-taon sa anibersaryo ng 1989 Bay Area earthquake, nagsasagawa tayo ng pambuong-estadong earthquake drill. Isasagawa natin ang ating drill ngayong araw, Huwebes, Okt. 15, sa ganap na 10:30am. Isa lamang itong pagsasanay, kung saan ineensayo natin ang mga pamamaraan sa lindol at paglikas.
Pagdiriwang ng Hispanic/Latino Heritage, Biyernes, Okt. 23, sa MPR:
Inaanyayahan ang lahat na sumali sa ating pagdiriwang sa Biyernes, Okt. 23, nang 6pm sa MPR. Ipagdiriwang natin ang maganda at mayamang kultura at pamana ng Hispanic/Latino. Magkakaroon ng pagkain, musika, mga pagtatanghal, fashion show, at mga cultural display. Mangyaring magplano na dumalo kung maaari! Isuot ang inyong tradisyonal na kasuotang Hispanic/Latino! Magbihis nang masaya at maghanda para sa isang napakagandang gabi!
Fall Festival at Halloween:
Ang Fall Festival ay gaganapin sa umaga ng Biyernes, Okt. 30. Ang mga magulang na may volunteer clearance ay malugod na tinatanggap at hinihikayat na mag-volunteer para sa kaganapang ito. Mayroon din tayong sesyon ng paghahanda sa Miyerkules, Okt. 28 mula 5-7pm sa Monroe, upang tumulong sa paghahanda para sa Fall Festival (Hindi kailangan ng volunteer clearance.) Mangyaring sumali sa amin kung kaya ninyo! May ihahaing pizza para sa lahat ng volunteer!
Ang aming Halloween Parade ay magsisimula nang 1:05pm sa Oktubre 30. Maglalakad kami paikot sa block suot ang aming mga costume. Ang mga full mask at pekeng sandata ay kukumpiskahin at itatabi sa opisina.
Ang mga mag-aaral sa TK at K ay maaaring isuot ang kanilang costume papuntang paaralan. Ang mga mag-aaral sa Ika-1 hanggang Ika-5 Baitang ay kailangang dalhin ang kanilang costume sa isang bag na may nakasulat na pangalan nila. Kung kailangan ng inyong anak ng Halloween Costume, Makakatulong Kami!!
Makipag-ugnayan kay Ms. J o Ms. Watkins para sa tulong sa Halloween Costume.
Araw ng mga Patay (Day of the Dead), Nob. 2:
Magkakaroon tayo ng Altar ng Komunidad para sa El Dia de Los Muertos. Isa itong espesyal na pista sa Mexico upang parangalan ang mga mahalagang ninuno, at ang mga taong mahalaga sa atin
Hinihiling namin na magpadala kayo ng mga kopya ng litrato o iba pang gamit na maibabahagi sa ating altar. Huwag magpadala ng kahit anong bagay na lubhang mahalaga. Ang mga litrato ng mga tao at/o mga gamit at mga alagang hayop ang pinakamainam na opsyon. Dalhin o ipadala ang inyong mga litrato at kagamitan kay Ms. J anumang oras. Idaragdag namin ang mga ito sa ating Altar ng Komunidad habang inihahanda ito para sa pagtatanghal sa MPR. Nagpaplano rin kaming maghanda ng "conchas," Tinapay ng mga Patay, para sa ating mga estudyante sa Lunes, Nob. 2.
PTO, Martes, Nob. 3:
Magkita-kita sa MPR nang 6pm sa Martes, Nob. 3. Halikayo't makipagkilala at tulungan kaming magplano para sa aming mga darating na kaganapan para sa Disyembre/Taglamig!
Araw ng mga Beterano, Nob. 11, Walang Pasok
SPED Social, Nob. 12, 6pm sa MPR:
Magkakaroon tayo ng hapunan at social hour para sa mga pamilyang may mga estudyanteng may IEP (mga estudyante sa Espesyal na Edukasyon). Magbibigay kami ng hapunan at childcare sa espesyal na gabing ito na inilaan para sa ating mga pamilya ng SPED. May iba't ibang kagalakan at hamon na kaakibat ng pagkakaroon ng mga estudyanteng may IEP, o mga espesyal na pangangailangan. Halina't maghapunan kasama namin habang ang inyong mga anak ay naglalaro sa silid-aralan kasama ang kanilang mga paraeducator. Umaasa kaming makakasama namin kayo kung ang inyong anak ay may IEP, o kung nais ninyong suportahan ang ating mga pamilya ng SPED.
Mga Komperensiya ng Pamilya/Guro:
Bawat estudyante sa K-Ika-5 Baitang ay magkakaroon ng Komperensiya ng Pamilya/Guro (ang TK ay nagkaroon na ng mga komperensiya) ngayong Nobyembre.
Ang Nob. 12-20 ay magiging mga araw ng maagang pag-uwi para sa mga mag-aaral sa Ika-4 at Ika-5 Baitang. Pauuwiin ang mga estudyante nang 12:50 para sa mga komperensiya.
Ang Nob. 16-20 ay magiging mga araw ng maagang pag-uwi para sa mga mag-aaral sa K-Ika-3 Baitang. Pauuwiin ang mga estudyante nang 12:50 para sa mga komperensiya.
Mangyaring markahan nang maaga ang inyong mga kalendaryo para sa mga araw na ito ng mas maagang uwian sa Nobyembre. Ang mga mag-aaral na nasa Boys and Girls Club ay hindi maaapektuhan ng pagbabagong ito sa iskedyul. Handa ang Boys and Girls Club na tanggapin ang mga bata sa 12:50 sa panahong ito.
Mangyaring tandaan na huwag pumarada sa mga driveway ng ating mga kapitbahay o harangan ang mga ito. Tatawag sila ng pulis o mga kumpanya ng tow truck para hatakin ang mga kotse kung magpapatuloy ang problemang iyon. Patuloy na susubukan ng paaralan na ayusin ang anumang mga isyu sa ating mga kapitbahay sa abot ng aming makakaya sa pamamagitan ng karagdagang komunikasyon! Salamat sa iyong pagtutok sa bagay na ito!
Ito ay isang napakagandang panahon ng taon at labis kaming nagagalak na makatrabaho kayo at ang inyong mga anak. Isang kagalakan araw-araw na makita ang mga ngiti sa mukha ng aming mga estudyante, at makita ang progreso sa kanilang gawaing pang-akademiko!
Magkaroon ng magandang linggo, at katapusan ng linggo.
Nagmamahal,
Punong-guro McNeil