Mga Madalas Itanong (FAQ) tungkol sa Aeries

Ang mga Aeries Parent and Student Portal ay magagamit ng parehong magulang at mag-aaral. Kailangang may nagawang account muna ang mga magulang at mag-aaral bago nila ma-access ang mga feature ng Aeries Parent and Student Portal.

Saan ko maaaring ma-access ang Parent Portal Account?

Maa-access ng mga magulang ang Aeries Parent Portal mula sa anumang computer o
device na may koneksyon sa internet. Ang direktang link sa portal ay:
https://aeries.slusd.us/parent

Kailangan ko ba ng email address para gumawa ng Account sa Parent Portal?

Oo, kailangan ng mga magulang ng wastong email address upang makagawa ng account sa portal. Kung wala kayo nito, maaari kayong kumuha ng libreng email account sa www.gmail.com

Paano ako gagawa ng Account sa Parent Portal?

Upang makagawa ng account, mangyaring sumangguni sa liham na inyong
natanggap mula sa school district, at sundin ang mga hakbang na ibinigay sa inyo.
Kung hindi ninyo natanggap ang liham mula sa school district, o ito ay inyong
naiwala, mangyaring makipag-ugnayan sa parent facilitator sa inyong paaralan at
humiling ng kopya ng liham.

Anong impormasyon ang maaari kong makita sa Aeries Parent Portal?

Magkakaroon ang mga magulang ng access upang matingnan ang mga talaan ng marka, transcript, pang-araw-araw na
pagpasok, at mga marka sa pagsusulit. Magkakaroon din ang mga magulang ng opsyon na i-update ang
impormasyon sa pakikipag-ugnayan sa oras ng emerhensya at impormasyong medikal mula sa kanilang portal
account.

Kailangan ko ba ng dalawang magkahiwalay na account para sa dalawang anak?

Kung mayroon ka nang Portal Account para sa iyong anak na nasa high school, hindi
mo na kailangang gumawa pa ng isa pang account upang ma-access ang impormasyon
para sa iyong ikalawang anak. Mag-log in sa iyong portal account, at sa itaas
sa kanang bahagi ng screen, may opsyon kang magdagdag ng isa pang
mag-aaral.

Maaari bang magkaroon ng account ang higit sa isang magulang/tagapangalaga upang ma-access ang impormasyon ng mag-aaral?

Oo, higit sa isang magulang ang maaaring magkaroon ng Parent Portal account, basta't ginagamit nila ang kanilang sariling email address.

Ano ang dapat kong gawin kung nakalimutan ko ang aking password?

Pumunta sa: https://aeries.slusd.us/parent at mag-click sa Forgot Password. Ilagay ang iyong email address at may ipapadalang email sa iyo na naglalaman ng mga tagubilin kung paano i-reset ang iyong password.

May account na ang aking mag-aaral, kailangan ko pa bang gumawa?

Oo, ang mga student account ay walang access sa Pagkumpirma ng Datos (Data Confirmation). Kung
wala ka pang Aeries Parent Portal account, kakailanganin mong gumawa
nito sa pamamagitan ng pagsunod sa mga hakbang na ito.

Paano kung hindi nagbago ang aking impormasyon mula sa nakaraang taon ng paaralan? Kailangan ko pa rin bang gawin ang Pagkumpirma ng Data (Data Confirmation)?

Taon-taon ay kinakailangan ang mga pamilya na kumpirmahin at i-update ang impormasyon ng kanilang
mag-aaral, suriin ang mga pangunahing patakaran ng San Leandro Unified School District,
at aprubahan ang mahahalagang form na dapat may kopya ang school district
para sa bawat mag-aaral. Mandatory o kailangan ang prosesong ito para sa lahat ng pamilya kahit
hindi nagbago ang impormasyon ng inyong mag-aaral mula sa nakaraang taon ng
pag-aaral.

Bakit kailangan kong gumawa ng account sa Aeries Portal?

Ang Aeries Parent Portal ay nagbibigay sa inyo ng access sa: mga grado ng mag-aaral, araw-araw na
attendance, mga transcript, pag-update ng mga pang-emergency na contact, medikal na impormasyon,
atbp. Kailangan mo ring magkaroon ng Aeries Parent Portal account upang makumpleto
ang mandatoryong proseso ng Data Confirmation.

Wala akong kompyuter, paano ko makukumpleto ang proseso ng Pagkumpirma ng Datos (Data Confirmation)?

Kung wala kayong access sa computer upang kumpletuhin ang Data
Confirmation, mangyaring makipag-ugnayan sa office manager sa inyong paaralan at
bibigyan kayo ng access sa isang computer sa paaralan.

Nagbago ang numero ng aking telepono at/o lumipat ako ng tirahan sa
gitna ng taong pampaaralan. Maaari ko pa bang i-update ang impormasyon ng aking estudyante?

Hinihikayat namin ang mga pamilya na i-update ang impormasyon ng kanilang mag-aaral sa pamamagitan ng
Aeries Parent Portal tuwing may magbabagong mahalagang impormasyon (hal.: numero ng telepono
, mga emergency contact, tirahan). Mag-sign in sa iyong Aeries Parent
Portal account anumang oras, at mag-click sa Student Info > Data
Confirmation upang gumawa ng anumang mga update.

Hindi ko natatanggap ang mga awtomatikong tawag o gusto ko nang ihinto ang pagtanggap ng mga tawag
mula sa paaralan. Saan ko maaaring i-update ang aking mga kagustuhan sa abiso
(notification preferences)?

Maaari lamang mag-opt out ang mga Magulang/Legal na Tagapangalaga sa pagtanggap ng Pangkalahatang
mga Anunsyo ngunit hindi sa pagtanggap ng mga Tawag sa Araw-araw na Pagdalo at/o
mga Pang-emergency na Anunsyo. Upang i-update ang inyong Kagustuhan sa Notipikasyon (Notification Preference), mag-sign in
sa inyong Aeries Parent Portal account at tingnan ang seksyon ng Aeries Communication
sa kaliwang bahagi ng inyong screen. Ang anumang pagbabago sa inyong
mga Kagustuhan sa Notipikasyon ay tumatagal ng 48 oras bago ma-update.

Sino ang dapat kong kontakin kung hindi ko ma-access ang aking account sa Aeries Portal?

Kung kailangan mo ng tulong sa iyong Aeries Parent Portal account o sa proseso ng Data Confirmation, mangyaring makipag-ugnayan sa Office Manager o sa Parent Facilitator sa iyong paaralan.