Serye ng Pagkatuto ng Pamilya
Nag-aalok ang SLUSD ng mga online na sesyon ng suportang pang-edukasyon para sa magulang at komunidad na nagbibigay ng mahahalagang impormasyon at mga estratehiya para sa mga magulang/tagapag-alaga upang suportahan ang paglaki at pag-unlad ng kanilang anak.
Mga Nakaraang Sesyon
Paksa: Kumilos-kilos Tayo
Halika at samahan kami sa paggamit ng pisikal na pagkilos upang maibsan ang stress, mapabuti ang ating pakiramdam ng kagalingan, at magbahagi ng oras sa iba. Sa sesyong ito, gagamitin ng Blaze Consulting ang Family Landing Pad, isang birtwal na lugar para sa mga magulang at tagapag-alaga sa SLUSD upang pag-usapan ang kanilang sariling karanasan sa pag-aalaga sa ating mga anak at kabataan. Sa interactive na sesyong ito, magkakaroon tayo ng bisitang tagapagsalita na gagabay sa atin sa pagkilos. Halika kung ano ka at umalis nang mas malakas.
Paksa: Bagong Taon, Bagong mga Nakagawian
Ang simula ng taon ang panahon kung kailan nagtatakda ang mga tao ng mga bagong mithiin at layunin para sa kanilang sarili. Maaari rin itong maging pagkakataon upang i-reset ang mga pag-uugali at gawi ng ating mga estudyante sa kanilang pagbabalik sa klase. Sa sesyong ito na Interactive, gagamitin ng Blaze Consulting ang Family Landing Pad, isang virtual na espasyo para sa mga magulang at tagapangalaga ng SLUSD upang pag-usapan ang kanilang sariling mga karanasan sa pag-aalaga ng mga bata at kabataan. Tutuklasin natin ang kapangyarihan ng mga routine at ritwal sa pagsuporta sa ating mga estudyante na magtagumpay sa tahanan at sa silid-aralan.
Paksa: Family Game Night
Ang pagtawa ay ang pinakamagaling na gamot, at ang PAGLALARO ay isang mahusay na paraan upang magdala ng tawanan sa tahanan. Sumali sa amin para sa kasiyahan sa gabi ng mga laro ng pamilya. Isama ang inyong mga anak at ang buong pamilya sa screen upang maglaro, tumawa, at magkausap. Isa itong nakalilibang na paraan upang pawiin ang kalungkutan sa taglamig at ihanda ang ating katawan patungo sa Winter Break.
Paksa: Ang Graduate Profile
Alam mo ba na ang distrito ng paaralan ng San Leandro ay mayroong Graduate Profile na nagpapahayag ng "pinagsasaluhang pananaw na tumutukoy sa isang hanay ng mga resulta ng mag-aaral upang ilarawan kung ano ang dapat malaman at kayang gawin ng lahat ng magtatapos upang maging handa para sa edukasyon pagkatapos ng high school, karera, at pakikilahok sa komunidad?"
Sa sesyong ito, magiging pamilyar tayo sa graduate profile at pag-iisipan kung paano sinusuportahan ng komunidad ng mga magulang/tagapag-alaga ang ating mga kabataan upang maabot ang kanilang buong potensyal sa pag-aaral.
Paksa: Pagharap sa mga Nambubully
Mas marami na ngayong paraan kaysa noon para maranasan ng mga bata at kabataan ang pambu-bully. Maaari itong mangyari sa paaralan, sa kapitbahayan, o online. Naaapektuhan ng pambu-bully ang mga batang binu-bully at ang mga nasa hustong gulang na nag-aalaga sa batang iyon.
Sa interactive na sesyong ito, gagamitin ng Blaze Consulting ang Family Landing Pad, isang virtual na espasyo para sa mga magulang at tagapag-alaga sa SLUSD upang pag-usapan ang kanilang sariling mga karanasan sa pag-aalaga ng mga bata at kabataan. Susuriin natin ang parehong pananaw. Titingnan natin kung paano mo masusuportahan ang iyong anak kung sila ay binu-bully, at kikilalanin din natin ang pinsalang naidudulot nito sa magulang/mga tagapag-alaga. Sa huli, maghahanap tayo ng mga pamamaraan ng katatagan (resilience) upang mapagtagumpayan ang hamong ito.
Paksa: Pagkakasala ng Magulang (Parental Guilt)
Ang mga Magulang at Tagapag-alaga ay may maraming magkakasabay at magkakasalungat na responsibilidad. Kailangan nating pagsabay-sabayin ang mga gawaing-bahay, pagtatrabaho, pagsubaybay sa takdang-aralin, at pag-aalaga sa sarili. Ang isang puna mula sa ating mga anak o ibang matanda ay maaaring magdulot ng panunumbat ng konsensya sa magulang: Maayos ba ang pagpapalaki ko sa batang ito? Sa interactive na sesyong ito, gagamitin ng Blaze Consulting ang Family Landing Pad, isang birtwal na lugar para sa mga magulang at tagapag-alaga sa SLUSD upang pag-usapan ang kanilang sariling mga karanasan sa pag-aalaga ng mga anak at kabataan. Ating tutuklasin ang panunumbat ng konsensya ng magulang at kung paano natin haharapin ang hiya na maaaring magmula sa patuloy na pagpuna na nililikha natin sa ating isipan.
Paksa: Mahalaga Ka Rin
Napakalaki ng papel ng magulang at tagapag-alaga sa akademiko, panlipunan, at emosyonal na pag-unlad ng bata. Ito ay kap kapaki-pakinabang na tungkulin, ngunit ito rin ay mapanghamon. Anong suporta ang kailangan mo bilang isang magulang upang maiwasan ang pagkapagod, labis na kabigatan, at pagkakahiwalay sa iba? Ang pagbibigay ng priyoridad sa iyong mga anak ay hindi dapat kapalit ng matinding pinsala sa iyong sarili.
Paksa: Kamalayan sa Sarili (Self-Awareness)
Nasa huling yugto na tayo ng taon ng pag-aaral. Ngayon, mahalagang tuparin ang ating mga pangako upang matapos natin ang taon nang maganda ang pakiramdam. Pag-usapan natin ang ating mga estratehiya upang matiyak na mananatiling nasa tamang landas ang ating mga anak o makahabol at matapos nang matagumpay ang taon ng pag-aaral. Ano ang kailangan ninyo upang masuportahan ang inyong (mga) anak sa panahong ito?
Paksa: Magpahinga at Magpanibago
Nandito na ang tagsibol at kasabay nito ang pakiramdam ng panibagong simula. Ang mga puno ay nagkakaroon ng mga bagong dahon at bulaklak, ang mga hardin ay binubungkal at inihahanda para sa bagong pagtatanim. Samahan kami sa ating pagtalakay sa mga oportunidad ng panahon para sa pagpapanibago ng buhay—pag-aalis ng mga kalat, paggawa o pagpapanibago ng ating mga espasyo, at pagtatanim ng mga bagong “binhi”. Gagamitin ng Blaze Consulting ang Family Learning Pad, isang birtwal na espasyo para sa mga magulang at tagapag-alaga ng SLUSD upang pag-usapan ang sarili nilang mga karanasan sa pag-aalaga sa ating mga anak at kabataan sa panahon ng pandemya. Ang interactive na sesyong ito ay susuporta sa mga pamilyang may mga mag-aaral sa baitang TK-12.
Paksa: Sama-sama Tayong Maglaro!
Ang pagtawa ay ang pinakamahusay na gamot at ang PAGLALARO ay isang mahusay na paraan upang maghatid ng tawanan. Samahan kami para sa kasiyahan ng family game night. Maglalaro tayo, tatawa, at magkakasama-sama.
Paksa: Pag-uusap tungkol sa Pagkakaiba-iba, Pagkakapantay-pantay at Pagkakasama (Diversity, Equity and Inclusion) sa Tahanan
Ang pagkakaiba-iba (diversity) ay nagiging dahilan kung bakit kamangha-mangha ang ating komunidad. Samahan kami habang tinatalakay kung ano ang hitsura ng pagsuporta sa pagkakaiba-iba sa gawa, magbahagi ng mga halimbawa kung paano maging kakampi (ally) ng iba, at talakayin kung ano ang natututuhan ng ating mga anak tungkol sa Pagkakaiba-iba, Pagkakapantay-pantay, at Pagkakasama (Diversity, Equity and Inclusion).
Paksa: Paggamit ng Social Media Bahagi 2
Ang student body ng ating lokal na high school ay may higit sa 200 IG account na nag-uuri sa mga mag-aaral ayon sa kanilang hitsura, pag-uugali, kinabibilangan, at marami pang iba. Marami sa ating mga mag-aaral ang may mga account na alam natin at mga account na hindi bukas para sa komunidad ng mga nasa hustong gulang. Araw-araw na binubusog ang mga kabataang ito ng mga larawan, mensahe, at mga pamantayan ng pagiging "cool" na nilalike at ibinabahagi. Sa sesyong ito, susuriin natin: Paano natin matutulungan ang ating mga mag-aaral na maging matalino sa digital na kapaligiran? At paano mo pinamahalaan ang stress sa pagtuklas ng digital na personalidad ng iyong anak? Maririnig natin mula sa ating mga kabataan ang tungkol sa kanilang karanasan sa online na espasyo.
Paksa: Pag-unawa sa Social Media Bahagi I
BRB, TYSM, mga Emoticon, Avatar. May isang buong mundo online kung saan wala tayong karanasan bilang mga magulang. Ngunit talagang umiiral ang mundong ito at TOTOO. Paano natin gagabayan ang ating mga anak at kabataan sa mundo ng gaming at social media? Ano ang internet etiquette at paano ito naiiba sa nakasanayan natin? Sa sesyong ito, gagamitin ng Blaze Consulting ang Family Landing Pad, isang virtual na espasyo para sa mga magulang at tagapag-alaga ng SLUSD upang pag-usapan ang kanilang sariling karanasan sa pag-aalaga sa ating mga anak at kabataan noong panahon ng pandemya. Samahan kami para sa isang interactive na pakikipag-usap sa ilang kabataan, na magbabahagi ng kaalaman tungkol sa totoong mundong ginagalawan nila ngayon.
Paksa: Responsableng Paggawa ng Desisyon
Manigong Bagong Taon! Mga New Year’s resolution: sino nga ba ang tumutupad ng mga iyon? Magsama-sama tayo at palitan ang ating mga ‘New Year’s resolution’ ng ‘mga INTENSIYON para sa Bagong Taon’. Kapag nagtakda ka ng malinaw na mga intensiyon at makatotohanan, maaabot na layunin, mas malamang na magawa mo ito. Maglaan ng sandali para sa iyong sarili, kasama ang iba pang mga magulang at tagapag-alaga upang tuklasin at pag-usapan ang panibagong simula ng taon.
Paksa: Kalusugan ng Pag-iisip (Mental Health)
Nandito na ang kapaskuhan at kasama nito ang sari-saring mga damdamin at emosyon. Sa sesyong ito, tutuklasin natin ang mga paraan upang magnilay-nilay, magpaluwag ng kalooban, at magpanibago ng ating mga puso at isipan. Titingnan natin kung paano magiging kapaki-pakinabang na kagamitan ang sining sa pagpapakalma at pagpapatahimik ng abala at stressed na isipan. Ang sining ay maaaring maging isang mahusay na paraan upang matuto ng mga bagay tungkol sa iyong sarili, ipahayag ang iyong sarili, at maaari ding maging isang simple at masayang paraan para lamang maglaro.
Paksa: Kamalayang Panlipunan (Social Awareness)
Nandito na ang kapaskuhan at kasama nito ang iba't ibang uri ng emosyon at damdamin. Samahan kami habang tinutuklas namin ang mga paraan upang magmuni-muni, magpaluwag, at magpanibago ng ating mga puso at isipan. Sa sesyong ito, gagamitin ng Blaze Consulting ang Family Landing Pad, isang virtual space para sa mga magulang at tagapag-alaga ng SLUSD upang pag-usapan ang kanilang sariling karanasan sa pag-aalaga sa ating mga anak at kabataan sa panahon ng pandemya. Tutuklasin natin kung paano magiging kapaki-pakinabang na tool ang sining sa pagpapakalma at pagpapatahimik sa isang abala at stressed na isip. Ang sining ay maaaring maging isang mahusay na paraan upang matuto ng mga bagay tungkol sa iyong sarili, upang ipahayag ang iyong sarili, at maaari ding maging isang simple at masayang paraan upang maglaro lamang. Ang sesyon ay susuporta sa mga pamilyang may mga mag-aaral sa TK-ika-12 grado. May mga Papremyo sa Raffle! May ibibigay na mga pagsasalin sa Espanyol at Tsino.
Paksa: Kamalayang Panlipunan (Social Awareness)
Sama-sama tayong MAGLARO, tumawa, at magpahinga! Ang pampamilyang gabi ng laro ay panahon para sa lahat—buong pamilya, pamilya at mga kaibigan, o ikaw man lang—upang sumali sa amin para sa isang masayang virtual na pagtitipon. Sa sesyong ito, gagamitin ng Blaze Consulting ang Family Landing Pad, isang virtual na espasyo para sa mga magulang at tagapag-alaga sa SLUSD upang pag-usapan ang sarili nilang karanasan sa pag-aalaga sa ating mga anak at kabataan sa panahon ng pandemya. Maglaan tayo ng kaunting sandali mula sa abalang takbo ng buhay at sumali sa isang pampamayanang game show. Sa pamamagitan ng mga interactive na aktibidad, babawasan natin ang stress, bubuo ng mga koneksyon, at magsasaya. Susuportahan ng sesyon ang mga pamilyang may mga mag-aaral mula TK hanggang ika-12 baitang. May mga Papremyo sa Raffle! Magkakaroon ng pagsasalin sa wikang Espanyol at Tsino.
Paksa: Pamamahala sa Sarili
Halikang sumama sa amin habang gumagamit tayo ng pisikal na pagkilos upang maibsan ang stress at mapabuti ang ating pakiramdam ng kalusugan at kapakanan ng pag-iisip. Sa sesyong ito, gagamitin ng Blaze Consulting ang Family Landing Pad, isang birtwal na lugar para sa mga magulang at tagapag-alaga ng SLUSD upang pag-usapan ang kanilang sariling karanasan sa pag-aalaga sa ating mga anak at kabataan noong panahon ng pandemya. Sa interactive na sesyong ito, tutuklasin natin kung paano malalabanan ang stress sa pamamagitan ng mga brain break, pagkilos, at tawanan. Sa hindi tiyak at mabilis na nagbabagong mundo ngayon, hindi maiiwasan ang stress. Tingnan natin ang mga paraan kung paano makokontrol ng bawat isa sa atin ito upang hindi tayo ang makontrol nito. Paano natin pinamamahalaan ang stress? Sa bawat isang pagkilos. Susuportahan ng sesyon ang mga pamilyang may mga mag-aaral sa TK-ika-12 baitang. May mga Papremyo sa Raffle! May ibibigay na mga pagsasalin sa wikang Espanyol at Tsino.
Paksa: Pamamahala sa Sarili (Self-Management)
Dumating na ang taglagas (fall) kasama ang mga tagumpay at hamon sa pamamahala ng ating mga pamilya tungo sa tagumpay. Ipinapakita ng pananaliksik na sa panahong ito ng taon, maaaring makaranas ang mga tao ng depresyon, kalungkutan, at pakiramdam ng labis na pagkabigla. Sa sesyong ito, gagamitin ng Blaze Consulting ang Family Landing Pad, isang virtual na espasyo para sa mga magulang at tagapag-alaga ng SLUSD upang pag-usapan ang kanilang sariling karanasan sa pag-aalaga sa ating mga anak at kabataan sa panahon ng pandemya. Halina't sumali sa aming interactive na sesyon habang naghahanap tayo ng mga paraan upang magdulot ng kagalakan para sa ating sarili at sa ating mga pamilya. Magsama-sama tayo bilang isang komunidad upang kumonekta, marinig, at pakinggan ang isa't isa. Kung minsan, ang pinakamahusay na paraan upang magkaroon ng kagalakan ay ang malaman mong hindi ka nag-iisa. Susuportahan ng sesyon ang mga pamilyang may mga mag-aaral mula TK hanggang ika-12 baitang. May mga Papremyo sa Raffle! Magbibigay ng mga pagsasalin sa Espanyol at Tsino.
Paksa: Kamalayan sa Sarili (Self-Awareness)
Nagbabalik na sa personal na pagpasok sa paaralan ang ating mga anak! Paano mo pinapamahalaan ang stress sa panahong ito ng kawalan ng katiyakan? Sa sesyong ito, gagamitin ng Blaze Consulting ang Family Landing Pad, isang virtual na espasyo para sa mga magulang at tagapag-alaga ng SLUSD upang pag-usapan ang kanilang sariling karanasan sa pag-aalaga sa ating mga anak at kabataan noong pandemya. Sa interactive na sesyong ito, titingnan natin ang stress bilang mga oportunidad, upang hindi lang tayo mabuhay kundi umunlad! Susuportahan ng sesyon ang mga pamilyang may mga mag-aaral mula TK hanggang ika-12 na baitang. May mga Papremyo sa Raffle! May ibibigay na mga pagsasalin sa Espanyol at Tsino.
Paksa: Paano mo pinapamahalaan ang stress sa panahong ito ng kawalan ng katiyakan?
Bumalik na sa paaralan nang face-to-face ang ating mga anak! Sa sesyong ito, gagamitin ng Blaze Consulting ang Family Landing Pad, isang birtwal na espasyo para sa mga magulang at tagapag-alaga ng SLUSD upang pag-usapan ang kanilang sariling karanasan sa pag-aalaga sa ating mga bata at tinedyer noong panahon ng pandemya. Sa interactive na sesyong ito, muli nating titingnan ang stress bilang mga oportunidad, upang hindi lang tayo basta mabuhay kundi umunlad! Susuportahan ng sesyon ang mga pamilyang may mga mag-aaral sa TK-12th grade. May mga Papremyo sa Raffle! Magbibigay ng mga pagsasalin sa Spanish at Chinese.
Paksa: Pagkatuto at Kalusugan sa Tag-araw
Ang tag-araw ay isang magandang panahon para makapagpahinga at mag-reset ang mga mag-aaral! Sumali sa amin upang matuto tungkol sa mga kabuuang paraan upang suportahan ang iyong anak na maging malusog at handa para sa tagumpay sa susunod na taon. Magbabahagi kami ng mga sanggunian at ideya upang matulungan ang iyong anak na maabot ang kanilang pinakamahusay na kakayahan.
Sa buong taong ito, ginalugad namin ang mga estratehiya upang suportahan ang mga magulang habang hinaharap nila ang mga hamon at pagkakataon ng virtual na pag-aaral. Bagama't karamihan sa aming nabanggit ay mga estratehiyang nakaugat sa Social Emotional Learning, maaari din tayong gumamit ng pisikal na pagkilos upang labanan ang stress at palakasin ang ating pakiramdam ng kabutihan at kalusugan ng isip. Paano natin magagamit ang pagkilos upang makatulong sa pamamahala ng stress?
Paksa: Family Game Night
Sa sesyong ito, titingnan ng HystenConsulting ang mga aktibidad na magagawa natin nang birtwal upang maibsan ang stress, makabuo ng koneksyon, at magsaya.
Paksa: Sinusuportahan ng mga Nakagawian ang Katatagan
Ngayong taon, marami sa atin ang nagsusumikap na mapanatili ang ating pakiramdam ng kaligtasan at normal na pamumuhay habang nagpapatuloy ang pandemya. Sa sesyong ito, titingnan natin ang kahalagahan at pagsasagawa ng mga pang-araw-araw na gawain (routines) para sa buong pamilya. Ano ang mga aktibidad na nais ninyong panatilihin sa inyong pang-araw-araw na buhay? Ano ang mga aktibidad na maaaring gawin linggu-linggo? Ano ang isang kagamitan na magagamit natin upang matulungan ang ating mga anak at kabataan na masunod ang iskedyul? Tutuklasin natin ang mga tanong na ito at ibabahagi ang ating mga karanasan bilang mga magulang. Magiging interactive ang sesyon, at makakarinig din ng mga karanasan ng iba pang tagapag-alaga na may mga mag-aaral sa TK-ika-12 baitang.
Pagbabago sa Trauma
Katatagan (Resilience) at Paghilom (Healing). Halos isang taon na tayong namumuhay sa kawalan ng katiyakan, at para sa marami sa atin, nagdulot ito ng matinding pisikal at/o emosyonal na trauma. Makakatulong ang sesyong ito upang maunawaan mo ang trauma at ang epekto nito sa ating pang-araw-araw na buhay. Tatalakayin din sa sesyong ito ang "pag-asa" na dulot ng pagbabago sa trauma sa pamamagitan ng katatagan at paghilom gamit ang mga salik ng proteksyon at katarungang panlipunan.
Paksa: Pagbuo ng Komunidad
Sa pagpapatuloy ng ating serye, susuportahan natin ang isa't isa nang may pag-asa at positibong pagtingin. Kapag nakakakuha tayo ng panloob na pagiging positibo, pinapabuti nito ang ating kalusugang pangkaisipan. Sa panahon ng sesyon, tutukuyin natin ang dalawang estratehiya upang mapalakas ang ating ugnayan sa komunidad at sa bawat isa. Kabilang sa sesyon ang mga masasayang aktibidad at sumusuporta sa mga pamilyang may mga mag-aaral mula TK hanggang ika-12 na baitang.
Paksa: Katatagan ng Magulang (Parental Resilience)
Ang Bagong Taon ay nagdadala ng pag-asa, positibong pananaw, at magagandang hangarin para sa ating mga mahal sa buhay. Paano natin dinadala ang pag-asang iyon at pagiging positibo sa ating pagiging magulang/tagapag-alaga? Tinitingnan natin ang mga benepisyo ng pagkakaroon ng positibong pananaw sa ating katawan at sa ating mga emosyon. Tutukuyin natin ang mga totoo at praktikal na paraan upang pasiglahin ang ating mga tahanan. Hindi sapat na pamahalaan lamang ang stress; kailangan nating palitan ito ng bagong sigla! Ang sesyon ay magiging interactive, magsasama ng masasayang aktibidad, at susuporta sa mga pamilyang may mga mag-aaral sa TK-12th grade. May ibibigay na pagsasalin sa Spanish at Chinese.
Paksa: Pagharap sa Stress at Pagkapagod
Ang mga holiday sa Taglamig ay kilala bilang panahon ng kagalakan, pamilya, at pagbibigayan. Gayunpaman, kilala rin ang mga ito na nagdudulot ng stress at kapaguran. Sa sesyong ito, sama-sama tayong lilikha ng puwang upang kilalanin ang tatlong uri ng pagod. Pagkatapos ay magbabahagi tayo ng mga totoong estratehiya upang pamahalaan ang stress at suriin ang ating pag-aatubili sa pangangalaga sa sarili. Matututuhan ng mga kalahok ang mga paraan upang pamahalaan ang kanilang sarili at ang mga inaasahan ng iba sa panahon ng Winter break. Magiging interaktibo ang sesyon, magsasama ng mga nakakatuwang aktibidad, at susuporta sa mga pamilyang may mga mag-aaral sa TK hanggang ika-12 baitang.
Sensory Smart: Pagdidisenyo ng mga Espasyo sa Pag-aaral sa Bahay para sa Tagumpay
Mga Tagapagsalita: Trisha Park at Christina Pandolfo, mga Occupational Therapist ng SLUSD
Naglalahad ang mga Occupational Therapist ng SLUSD ng isang praktikal na pangkalahatang-ideya kung paano makatutulong sa pag-aayos ng isang kapaligirang walang abala at angkop sa pandama para sa distance learning sa tahanan.
Growth Mindset para sa Matematika at Higit Pa! (TK-12)
Ang pagkakaroon ng growth mindset ay isang mahalagang pananaw para sa pagpapahusay ng pagkatuto sa matematika, mayroon mang matibay na kumpiyansa sa matematika ang mga mag-aaral o pakiramdam man nila ay “hindi sila para sa math.” Alamin ang tungkol sa pinakabagong pananaliksik at kung ano ang magagawa mo upang suportahan ang iyong anak na maniwala na kaya nila ang matematika—anuman ang sinabi sa kanila ng sinuman noon.
TK-12 Pagsuporta sa Aking Anak na May Iba't Ibang Pangangailangan sa Pamamagitan ng mga Social Story at Visual
Ang sesyong ito ay para sa lahat ng pamilyang gustong matuto ng higit pang mga estratehiya upang suportahan ang kanilang anak na may kakaiba o espesyal na pangangailangan. Inilalarawan sa presentasyon ang mga paraan ng paggamit ng mga social story at paggamit ng mga visual aid para sa pag-aaral sa bahay.
Mga nakagawian at estratehiya para sa mga Pamilya ng Secondary upang Masuportahan ang Karaniwang mga Hamon sa Pag-aaral sa Bahay
Alamin kung paano pagaanin ang mga hamong maaaring nararanasan mo at ng iyong mag-aaral sa middle school o high school. Tuklasin ang mga estratehiya upang suportahan ang pag-aaral ng iyong anak at talakayin ang mga paraan kung paano mo matutulungan ang iyong anak na makilahok sa paaralan.
Paggamit sa Schoology, ang Learning Management System para sa Baitang 6-12
Alamin kung paano maghanap ng mga iskedyul, mag-navigate sa Aeries, Schoology, at kung paano pamahalaan ang maraming klase.
Paggamit ng mga Learning Management System para sa mga Baitang TK-5
Alamin kung paano maghanap ng mga iskedyul, mag-navigate sa Clever, SeeSaw, at iba pang sikat na platform na maaaring ginagamit ng mga guro.