INAPRUBAHAN NG LUPON NG SLUSD ANG PAGPAPATUPAD NG BAGONG KURIKULUM PARA SA KASAYSAYAN/ARALING PANLIPUNAN, AGHAM, AT MGA WIKA SA DAIGDIG

Panoorin si Dr. Sonal Patel, Assistant Superintendent of Educational Services, na ipiniprisinta ang saklaw ng trabaho para sa napakahalagang proseso ng pag-aampon (adoption), at kung ano ang ibig sabihin nito para sa mga mag-aaral ng SLUSD. Makikita lang ang mga slide dito.

Sa pinakahuling pagpupulong ng Lupon ng Edukasyon, nagkakaisang inaprubahan ng mga katiwala ang pagpapatibay ng bagong kurikulum para sa tatlong pangunahing larangan ng nilalaman:

• Kasaysayan/Agham Panlipunan (Baitang TK-12)
• Agham (TK-ika-12 baitang)
• Mga Wika sa Daigdig (6-12)

Nagmula sa pangangailangan para sa kurikulum na may digital access upang mas epektibong suportahan ang distance learning sa panahon ng pandemya, nakita ng distrito ang isang natatanging pagkakataon na gamitin ang espesyal na minsanan lamang na emergency funding para sa COVID-19 mula sa estado upang i-update ang mga lumang aklat-aralin at kagamitan sa pag-aaral. “Matagal na kaming naghihintay ng pondo para sa kurikulum, na tila malabong mangyari sa kasalukuyang kalagayan ng badyet sa pampublikong edukasyon,” sabi ni Joanne Clark, Senior Director ng Pagtuturo, Pagkatuto, at Pagkakapantay-pantay sa Edukasyon, “Naging perpektong pagkakataon ang pinagmulang pondong ito upang maihatid ang mga bago at makabuluhang kagamitan sa mga kamay ng ating mga mag-aaral at guro.”

Ang pagiging napapanahon at angkop ay isang tatak ng lahat ng tatlong pagpapatibay. Ang bagong kurikulum sa Agham ay nakahanay na ngayon sa Next Generation Science Standards (NGSS) na idinisenyo upang mas maihanda ang mga mag-aaral para sa mga karera sa ika-21 siglo sa Agham, Teknolohiya, Inhinyeriya, Sining, at Matematika (STEAM). Ang bagong kurikulum sa Kasaysayan/Araling Panlipunan ay nakatali na ngayon sa Common Core Content Standards and Framework, at mas nagpapakita ng inklusibo at iba't ibang pananaw sa kasaysayan, na naging isang pangunahing pokus para sa distrito. Ang bagong kurikulum sa World Language ay nagdadala ng iba't ibang kawili-wiling mga mapagkukunan at kagamitan na hindi magagamit noon.

“Dahil isinasama ang lokal na kadalubhasaan kasama ang feedback ng komunidad at mag-aaral, ipinapakita ng mga pinal na rekomendasyon ng mga adoption committee ang napakalaking pagsulong para sa pagtuturo at pagkatuto sa San Leandro Unified School District,” sabi ni Dr. Sonal Patel, Assistant Superintendent of Educational Services, “Sa ngalan ng distrito, lubos akong nagpapasalamat sa aming mga guro, pansuportang kawani ng distrito, at mga tagapangasiwa sa kanilang kahandaang makibahagi sa masalimuot na prosesong ito sa panahong napakaraming kinakailangan.”

Ang pagpapatibay ng isang kurikulum sa ilalim ng mga normal na sitwasyon ay isang malaking hamon sa lohistika. Ang pagsasagawa ng tatlong sabay-sabay na pagpapatibay habang kasalukuyang sarado ang mga pasilidad ng paaralan ay nangailangan ng napakalaking pagtutulungan mula sa grupo ng mga guro at tagapangasiwa na lumahok sa komite ng pagpapatibay. Nagtatag ang grupo ng mga rubric sa pagsusuri na may iba't ibang antas, pagkatapos ay nagsagawa ng pilot testing ng mga materyales simula noong Agosto upang makagawa ng masusing sinaliksik na rekomendasyon sa school board. “Hindi lamang nagna-navigate ang aming mga tagapagturo sa distance learning at humaharap sa pandemya sa kanilang sarili,” sabi ni Clark, “Kundi lubos din silang nakipagtulungan sa proseso ng pagpapatibay upang mapili ang pinakamahusay na mga materyales na umaayon sa mga pamantayan sa pagkatuto ng estado, sumusuporta sa mga mabisang gawi sa pagtuturo na nakabatay sa pananaliksik, at nag-aangat sa mga halaga at layunin ng profile ng nagtapos sa SLUSD. Hindi lamang kami may mga bagong patakaran ng kurikulum, mayroon din kaming roadmap para sa aming mga susunod na hakbang upang matiyak ang de-kalidad na pagtutulungan at pagpapatupad.”

Para sa higit pang impormasyon tungkol sa lahat ng napiling materyales sa kurikulum at ang proseso ng pagsusuri, pumunta sa lugar ng mga pag-aampon (adoptions) sa www.slusd.us.

Tungkol sa San Leandro Unified School District

Ang San Leandro Unified School District ay nagpapatakbo ng isang komprehensibong programang TK-12 at isang paaralan para sa mga nasa hustong gulang sa 14 na kampus sa buong San Leandro. Tinuturuan ng distrito ang mga mag-aaral nito sa pamamagitan ng paggamit ng mga makabagong teknolohiya at pamamaraan sa pagtuturo upang matulungan ang mga mag-aaral na maabot ang kahusayan sa akademya at maging matulungin at may kakayahang makipagsabayan sa isang pandaigdigang lipunan. Para sa higit pang impormasyon, bisitahin ang www.slusd.us